Претседателот на европскиот дел од Меѓународната кошаркарска федерација (ФИБА), Хорхе Гарбахоса, потврди дека Националната кошаркарска асоцијација (НБА) има намера да создаде лига во Европа.
„Убеден сум дека ова е реалност, бидејќи тоа го кажа господинот Силвер. Тоа е вистина. Тие веруваат дека има јасни можности во Европа. НБА откри ранливост и реши да интервенира. Не знаеме како и кога ќе се случи, но ќе се случи. Горди сме што НБА изјави дека се што ќе се организира во Европа ќе се прави во соработка со ФИБА. Тие високо ја ценат репутацијата на ФИБА и веруваат во нашата организација“, рече Гарбахоса во изјава за „Марка“.
Во медиумите се шпекулира дека НБА сака да создаде лига во Европа која ќе биде сериозен конкурент на Евролигата.
