Денеска има сонце во Македонија. Иако е декември и е студено, денеска во Скопје и нашата земја огреа силно сонце. Веројатно тоа е некаков показател, очекуваме, се надеваме, уверени сме дека во иднина во мак – фудбалот ќе биде сончево.
Од денеска ФФМ има нов претседател, а тоа е Масар Омерагиќ. Се е кажано за новиот предводник во мак – фудбалот, за тоа каков човек е, кои му се приоритетите во работата, неговите соработници.
Прво на денешното Вонредно Изборно собрание на ФФМ беше прифатена оставката на досегашниот претседател Муамед Сејдини, за да потоа со акламација и со аплаузи беше избран новиот претседател – Масар Омерагиќ кој потоа доби честитки од сите присутни, се разбира и од Сејдини, сите тие му посакаа успешна работа.
