Македонската кошаркарска репрезентација направи голем исчекор кон пласманот во квалификациите за СК 2023 година. Селекторот Драган Бајиќ и неговите избраници конечно одиграа добар меч.
Иако имаа падови во играта против Словачка, сепак останува да се запамети онаа фантастична последна четвртина во која буквално нашите кошаркари се поигруваа со противникот, но и добрата прва четвртина, како и НБА-забивањата на Џејкоб Вајли. Одбраната беше на ниво, Македонија конечно знаеше како да ги казни грешките на Словачка.
Пред утрешниот реванш со Швајцарија, селекција која исто така е под нашето ниво, но за жал не успеавме да ја совладаме, Македонија се искачи на лидерското место. Швајцарија загуби од Словачка, па победа над поет поени значи сигурен пласман во следната рунда.
