Екипата на Барселона со 5:1 го совлада Бетис на домашен терен во рамките од 1/8 финалето на купот на Шпанија, и на тој начин покажа дека има намера и во ова наптреварување да стигне до самиот крај.
Гави и Кунде за половина час донесоа домашни 2:0, а во вториот дел, Рафиња, Јамал и Феран Торес го торпедираа противникот. На самиот крај, Витор Роке го постигна почесниот гол за гостите од пенал.
Од друга страна пак, Атлетико Мадрид на гостување кај Елче триумфираше со 0:4 и слично како и Барселона во голем стил замина во следната фаза. Стрелци за „Јорганџиите“ беа Сорлот на два пати, Рикелме и Алварез.
