Шампионскиот ритам на Наполи на Антонио Конте продолжи и вечерва во Бергамо. Во големото дерби на 21. коло, наполитанците славеа со 2:3 на гостувањето кај Аталанта и го потврдија првото место на табелата.
Во Бергамо бевме сведоци на еден исклучително возбудлив натпревар со многу погодоци. Уште во првиот дел видовме пресврт. Аталанта поведе со голот на Ретеги во 16. минута, за до крајот на полувремето, Наполи преку Политано и МекТоминај да дојде до целосен пресврт и на пауза да замине со предност од 1:2.
Во вториот дел, домашните повторно почнаа подобро. По неполи 10 минути игра, Лукман успеа да го израмни резултатот на 2:2. И двата тима во продолжението отворено бараа шанса за победа, а се чини подобро се снајдоа гостите кои преку Лукаку во 78. минута успеаја да ја вратат предноста за 2:3, која подоцна се покажа и како конечен резултат на средбата.
Наполи по оваа победа останува прв на табелата со 50 бода, шест повеќе од Интер, кој утре ќе го одигра својот меч од оваа рунда.
Ci mette la testa BIG ROM! @sscnapoli di nuovo avanti a Bergamo, ma che partita è? 🤯🤯#AtalantaNapoli 2-3 pic.twitter.com/aal7c3QHxF
— Lega Serie A (@SerieA) January 18, 2025
