Хрватскиот кошаркар во дресот на ЛА Клиперс, Ивица Зубац синоќа на дуелот против Виктор Вембањама и неговиот Сан Антонио го одигра натпреварот на сезоната и му донесе победа на составот од Калифорнија. Клиперси ги победија Спарс со 128:116 во Сан Антонио, а Зубац постигна 21 поен со 22 скока, што е негов рекорд во сезоната.
Тоа беше негов втор најдобар скок учинок во кариерата, откако имаше 29 скока и 31 поен против Индијана во 2022 година, што беше и најдобар натпревар во неговата кариера.
Вембањама мечот го заврши со 23 поени, два повеќе од Зубац, со 12 скока.
Меѓу другите натпревари, вреди да се издвојат победата на Минесота на гости кај Феникс од 121:113, како и победата на Голден Стејт над Оклахома Сити од 116:109 и покрај 52-те поени кои ги постигна неверојатниот Шеј Гилџес-Александер.
Никола Јокиќ и неговиот Денвер беа поразени во Њујорк со 122:112, а Јокиќ одигра еден од најслабите мечеви сезонава со 17 поени (6/15 од поле, 3/7 за три), забележа шест скока и исто толку асистенции.
Резултати:
Шарлот – Бруклин 83:104
Вашингтон – Торонто 82:106
Индијана – Детроит 133:119
Филаделфија – Сакраменто 117:104
Њујорк – Денвер 122:112
Мајами – Кливленд 106:126
Бостон – Чикаго 122:100
Сан Антонио – ЛА Клиперс 116:128
Њу Орлеанс – Далас 136:137
Феникс – Минесота 113:121
Голден Стејт – Оклахома Сити 116:109
