Манчестер Јунајтед е подготвен да го пушти Касемиро да замине во Бразил. Англискиот клуб се согласил да го позајми играчот од средниот ред и да помогне со дел од неговата плата, само доколку Фламенго прифати да плаќа поголем дел од неговите актуелни обврски според договорот.
„Дури и со помош на Манчестер Јунајтед, тие сепак ќе мора да платат многу“, истакна новинарот Хорхе Никола.
„Дејли Мејл“ пишува дека Касемиро заработува 375.000 фунти неделно и е меѓу најплатените играчи во Манчестер Јунајтед. Оваа сезона 32-годишниот играч од средниот ред одигра 14 натпревари во Премиер лигата и постигна 1 гол.
