Американскиот тенисер Себастијан Корда има проблеми со повреди во пресрет на четвртфиналниот меч со Новак Ѓоковиќ во Мајами.
Корда се соочува со повреда на зглобот, поради која мораше да го откаже настапот во четвртфиналето во двојки.
Пред тоа, Корда во три сета го совлада Гаел Монфис, иако и на тој меч беше принуден да земе лекарски тајмаут.
Американецот нема многу време да се опорави од повредата, бидејќи в четврток (не пред 1:30 часот) го очекува четвртфинален натпревар против Ѓоковиќ.
Ова ќе биде нивни втор натпревар еден против друг, а Новак го доби првиот во финалето на Аделаида во 2023 година.
