Официјално: Вардар се пофали со полскиот ракометар Виктор Јанковски! (ФОТО)

132

Од следната сезона нов член на Вардар ќе биде полскиот репрезентативен пивотмен Виктор Јнаковски (23 години) кој се согласи на тригодишна верност со македонскиот клуб. Јанковски е висок 200 см. и ќе биде важна алка во тимот, во одбрана и во напад.

Покрај играњето во екипата на Квиџин каде сега настапува, Јанковски бил член и на Висла каде беше дел од составот што беше пријавен за настап во ЕХФ лигата на шампионите во сезоната 2019/2020, а има настап и во квалификациите за Лига Европа во 2022/2023.

Неколку години тој е дел од сениорската репрезентација на Полска, се наоѓа на поширокиот список, а минатиот месец настапи и на дуелот со Полска во квалификациите за ЕП 2026. Претходно беше на располагање на полскиот селектор и за квалификациите од ЕП 2025 и СП 2025. Ги има минато и младинските репрезентации на Полска каде беше стандарден член.

Сезонава Јанковски има постигнато 63 гола, 15 асистенции и процент на реализација од 76 отсто на упатените удари. Сите голови ги постигнал од линијата на шест метри.

Во силното првенство на Полска, претходните две сезони неколкупати бил прогласуван за најдобар пивотмен на колото.

ПретходноТрогателно: “Ова е гол за мојот мал брат кој почина на денешен ден“! (ВИДЕО)
СледноПромоција: Иванковиќ две години во ГРК Охрид! (ФОТО)