Ресторанот на НБА ѕвездата Џејмс Харден во Хјустон е под клуч поради наводни заостанати долгови за кирија што надминуваат 2,2 милиони долари. Ресторанот „Тритин“, отворен во 2021 година, е привремено затворен, а на вратата се појави известување за иселување, пишува „Дејли меил“.
На влезот од ресторанот на 1 септември беше објавено известување на име на сопственикот на зградата, во него се наведува дека управителот должи точно 2.217.430,05 долари неплатена кирија. Поради неплаќање на долгот, бравите на ресторанот биле сменети, Харден нов клуч ќе добие веднаш откако ќе ги подмири своите финансиски обврски.
