Ергин Атаман се надеваше дека ќе успее да ја победи Германија со Турција во финалето на Европското првенство, но тоа на крајот не се случи.
По финалниот натпревар одигран во Рига, Турците се вратија во Истанбул. Иако не го освоија златото, беа пречекани како херои, а тоа најдобро го покажува бројот на луѓе што беа на аеродромот во Истанбул.
Таму турскиот селектор, Атаман, го одржа својот говор.
„Овој сребрен медал е голем успех за турскиот народ и многу сум горд на момците. Сепак, многу сум тажен. Историјата памети само шампиони, а ние ја пропуштивме за влакно. Им се извинувам на нашите граѓани кои веруваа во нас и кои го чекаа трофејот пред малите екрани. Верувам дека овие играчи, кои ја вратија турската кошарка на врвот на Европа, многу брзо ќе го донесат купот во нашата земја. Благодарност до турскиот народ чија поддршка растеше од ден на ден за време на првенството. Овие момци го претставуваа турското знаме со голема страст до последната секунда. Сонував да му ја донесам шампионската титула на турскиот народ, но го загубивме првенството со последната топка. Сепак, го натеравме турскиот народ повторно да ја засака кошарката и за тоа им се заблагодарувам на овие момци уште еднаш“, рече Атаман.
Она што беше очигледно беше дека Атаман се обидуваше да ги скрие солзите, но не беше во можност да го стори тоа.
Ergin Ataman: “Tarih her zaman şampiyonları yazar ve biz bunu kıl payı kaçırdık. Bizlere inanan, kupayı heyecanla bekleyen vatandaşlarımızdan özür diliyorum. Çok üzgünüm.” pic.twitter.com/mna7PBwbOS
— Le Marca Sports (@lemarcaspors_) September 15, 2025
🥲📷 Ergin Ataman could not hold back his tears before his speech in front of the Turkish people upon the arrival of the team in Türkiye #Eurobasket
(via @buzzspor /IG) pic.twitter.com/ToyrxMNCM5
— Eurohoops (@Eurohoopsnet) September 15, 2025
Покрај Атаман, на публиката им се обрати и Џеди Осман, капитенот на тимот.
„Ја почувствувавме вашата поддршка во текот на овие денови. Сакавме да се вратиме со пехарот, но за жал не го сторивме тоа. Верувајте ми, дадовме сѐ од себе. Се надевам дека сте горди на нас. Без вашата поддршка, ќе беше многу тешко да стигнеме до тука. Ви благодариме што постоите“, рече Осман.
