Капитенот на Арсенал, Мартин Одегард ќе ги пропушти претстојните натпревари на норвешката репрезентација. Играчот од средниот ред се повреди на натпреварот против Вест Хем во 7. коло од Премиер лигата (2:0).
Лондонскиот клуб објави дека Норвежанецот заработил повреда на медијалниот колатерален лигамент на левото колено. Тој ќе го пропушти натпреварот на својот тим против Израел во квалификациите за Светското првенство во 2026 година и пријателскиот натпревар против Нов Зеланд.
Одегард ќе се опоравува во клупските објекти, но неизвесно е кога точно ќе може да се врати во погон. Можно е рехабилитацијата да продолжи уште една недела по завршувањето на репрезентативната пауза.
