Фантастично, супер – дерби на „Сан Сиро“ вечерва во рамките на 10.коло во Серија А. Милан – Рома 1:0 со голот на Србинот Страхиња Павловиќ во таа 39.минута по асистенцијата на Рафа Леао. И веднаш да кажеме дека Рома можеше да израмни во 82.минута, но ударот од белата точка на Паоло Дибала домашниот голман Мајк Мењан со фантастична парада му го удари и ја сочува победата на гигантот од Милано.
Штета што на ова дерби имаше само еден гол, ако се знае дека и двете екипи имаа по неколку шанси.
Рома во првата фаза од средбата беше одлична, имаше и зицери, но од водството па натаму, Милан беше тој што беше подобар и на крајот заслужено победи.
Па така сега по 10.коло во горниот дел на табелата вистинска гужва. Прв е Наполи со 22 бода, следуваат Интер, Милан и Рома со по 21 бод.
Секако дека битката за титулата допрва ќе се разгорува.
