Арсими во натпревар од 12. коло од ПМФЛ е домаќин на Башкими со што се отвора вториот круг од дуелите во фудбалскиот шампионат. Натпреварот во Гостивар носи дополнителен интерес бидејќи се среќаваат две екипи кои се познаваат добро и секогаш нудат возбудливи средби.
Напаѓачот на Арсими, Албан Таипи, ја изрази својата подготвеност и мотивираност пред денешниот дуел:
“Очекуваме едно вистинско дерби. Играме против квалитетен тим кој има свои доблести, но ние сме подготвени и ќе дадеме се од себе за да го задржиме позитивниот ритам. Работевме напорно во текот на неделата и верувам дека со вистински пристап можеме да дојдеме до нова победа пред нашата публика”.
Екипата на Арсими ќе се обиде да ја продолжи добрата серија и да освои нови бодови, додека мечот против Башкими се очекува да донесе одлична фудбалска атмосфера на трибините.
Натпреварот се игра на градскиот стадион во Гостивар со почеток од 13:30 минути.
