Ретко кој се надеваше дека Алкалоид после негативата од седум гола ќе успее да се врати и да се избори за бод како планина против Пелистер. Момците на Кирил Лазаров одиграа неверојатен меч, се издигнаа како Феникс, а на крилата на Иван Галевски во преполната сала „Боро Чурлевски“ си заминаа со реми (26-26).
Во самиот финиш Пешевски се избори за седум метри, а пред да реализира Радивојевиќ, Хосни се обиде да го испровоцира Галевски. Отиде кон него, му се стави во лице, но се чини дека ваквите моменти за младиот голман се само дополнителен мотив, херојски го одбрани седмерецот на Србинот за молк на трибините и голема радост во редовите на Алкалоид.
