Шкендија и синоќа покажа како треба да се игра во Европа. Просто го “смачка“ силниот Слован со 2:0, иако според шансите победата требаше да биде поубедлива.
Важно е што сега тетовци се во зоната на плеј – офот на табелата, на тоа 21.место на табелата со 7 бодови. Дури сега се гледа што значат оние два бода од мечот со Јагелонија кога Шкендија прими гол во 90+10.минута.
Шкендија следниот четврток на Кипар кај АЕК Ларнака го игра последниот меч и јасно е дека со победа сигурно ќе се најде во следната фаза или во плеј – офот, би имала 10 бодови. Секако дека и реми нема да биде лошо, барем според сите математики и 8 бода ќе бидат доволни за пласман во нокаут фазата.
Инаку интересно е тоа што дури и со пораз шампионот на Македонија би можел да заврши најмалку на 24.место.
Но тоа да се случи ќе треба да се исполнат три услови: Купс кој има 6 бода да биде поразен на гости кај Кристал Палас, потоа Зрињски да не го победи дома Рапид и Бредаблик да не го победи Стразбур на гости.
Од табелата се гледа дека математички само три клуба можат да и го “одземат“ местото на Шкендија во плеј – офот. Купс, Зрињски и Бреидаблик и тоа во случај на пораз на Шкендија на Кипар.
How the league phase table looks after matchday 5 🔢#UECL pic.twitter.com/8qAEu5N4SQ
— UEFA Conference League (@Conf_League) December 11, 2025
