Македонската ракометна репрезентација трет ден се подготвува за претстојното Европското првенство 2026. Избраниците на Кирил Лазаров ќе играат во Хернинг, а за противници ќе ги имаат селекциите на Данска, Португалија и Романија.
Во рамките на подготовките нашите ракометари ќе одиграат засега четири пријателски натпревари, првиот е на 28 против Хрватска во Пореч.
Македонија се тренира во салата Автокоманда, а атмосферата е одлична. Тивко, без помпа, се гради победничката формула.
