Фудбалерите на Евертон пружија жесток отпор против Арсенал во Лондон, имаа резултат 0:0 до 89-тата минута, но поради грешките на нивниот голман Пикфорд и одличната минијатура на младиот Дауман, загубија со 2:0 во 30-тото коло од Премиер лигата.
Арсенал подоцна доби „подарок“ од Вест Хем, кој одигра 1:1 со Манчестер Сити, а „топџиите“ влегуваат во крајот на сезоната со +9, со натпревар повеќе од „граѓаните“ на чело на табелата и имаат голема шанса да ја освојат титулата што ја чекаат 22 години.
“Топџиите“ се критикувани поради начинот на кој играат во последно време, а спортската јавност на Островот тврди дека премногу се фокусираат на прекините, а еден од оние на кои им се допаѓа она што го прави Арсенал е менаџерот на Евертон, Дејвид Мојес.
„Што е лошо во тоа што Арсенал има многу сила во прекините? Се зборува за тоа како проблем, наместо за квалитет во играта“, рече Мојес.
Арсенал е премногу силен, додава Мојес:
„Погледнете го начинот на кој Рикардо Калафиори го одбрани голот што го имавме. Така игра Арсенал, нивните играчи го бранат голот со своите животи и затоа се на врвот“, истакна Мојес.
