Екипата на Силекс вчера на домашен терен во рамките од тековното 27. коло од ПМФЛ шампионатот, успеа да го совлада Башкими со минимални 1:0.
Стрелец на единствениот гол на овој меч бепе Дарко Додев од пенал во второто полувреме.
Тренерот на кратовци, Александар Васоски секако е задоволен од развојот на настаните и од постигнатиот резултат.
„Некогаш планираните бодови се тешки, наидовме на квалитетен противник кој навистина беше незгоден. Особено во тој дефанзивен блок но, ете успеавме да создадеме неколку сериозни шанси, и да постигнеме гол од една ситуација, во која што според мене имаше чист црвен картон и чист пенал. Не е лесно да се добиваат тие мечеви од кои некако предвреме си ги испланирал бодовите, напротив. Тие се најбитни, на нив се ствара резултат.
Особено заодовлство е за време на овој голем празник да освоиме бодови, да го одработиме планираното. Наш план е да ја стигнеме Струга ТЛ во домашниот шампионат, и да го оствариме тоа трето место на крајот“ – изјави тренерот на Силекс, Александар Васоски.
