Фудбалскиот сојуз на Босна и Херцеговина издаде соопштение за медиумите во кое се наведува дека интересот за билети за натпреварот БиХ – Македонија е импресивен, распродадени се 22.000 билети.
„Сакаме да ги информираме навивачите дека претпродажбата на билети за пријателскиот натпревар помеѓу Босна и Херцеговина и Северна Македонија, кој ќе се игра на 29 мај 2026 година на стадионот „Асим Ферхатовиќ Хасе“ во Сараево, е во тек“, соопшти Федерацијата.
Како што истакнаа, поради големиот интерес, досега се продадени околу 22.000 билети.
Со мечот против Македонија, Босанците ќе ја испратат својата држава на Светското првенство.
