Генералниот секретар на Скијачка федерација на Македонија, г-дин Борче Јаневски, учествуваше на техничкиот состанок на FIS во Порторож.
Во рамки на настанот, беше остварена и значајна средба со претседателот на FIS, г-дин Јохан Илиаш, на која се разговараше за развојот на скијањето во Македонија, унапредување на инфраструктурата и можностите за поголема меѓународна соработка.
Македонското скијање во моментов секако дека има потреба од меѓународна поддршка и помош од институциите кои што се водечки во овој спорт, и ваквите средби секако дека одат во насока на подобрување на односите и релациите.
Македонија има огромен потенцијал што се однесува до зимските спортови, и единствено на ваков начин можеме истиот да го исполниме и да го искористиме во годините кои што следат.
