Градоначалникот на Њујорк, Зохран Мамдани, објави дека жителите на најголемиот американски град ќе имаат можност да купат 1.000 билети за претстојните натпревари од Светското првенство за само 50 долари.
Мамдани истакна дека целта на кампањата е да се обезбеди граѓаните со пониски приходи да можат да присуствуваат на еден од најгледаните спортски настани во светот.
„Тоа е отприлика цената на пет кафиња во Њујорк“, се пошегува градоначалникот за време на обраќањето во населбата Харлем во Литл Сенегал, каде што му се придружи и американскиот репрезентативец Тимоти Веа.
Околу 150 билети за секој натпревар ќе бидат достапни за седум од осумте натпревари што ќе се играат на стадионот „МетЛајф“ со капацитет од 82.000 седишта. Исклучок е финалето на 19 јули, за кое поединечните билети веќе се продаваат за речиси 33.000 долари.
Заедно со билетот, навивачите ќе добијат и бесплатен автобуски превоз до и од стадионот. Билетите ќе се дистрибуираат преку лотарија почнувајќи од 25 мај.
