Првиот голман на македонската фудбалска репрезентација, Столе Димитриевски и во наредните две сезони останува на голот на Валенсија. Како што објавија локалните медиуми, Валенсија ја искористила едностраната клаузула што им овозможи да го продолжат договорот на Столе за уште две сезони. Нашиот репрезентативен голман сега е врзан за клубот од „Местаља“ до јуни 2028 година.
Неговиот претходен договор требаше да истече за само еден месец. Клубот ќе го исплати бонусот предвиден во оригиналниот договор и ќе реши една од позициите што генерираше најголема неизвесност во последните месеци.
Трансферот не е резултат на отворени преговори меѓу страните. Валенсија имаше можност еднострано да го продолжи договорот, механизам што Карлос Корберан и спортскиот директор сметаа дека е стратешки да го активираат. Со оваа одлука се става крај на месеците шпекулации за иднината на голманската позиција на Валенсија.
