Новак Ѓоковиќ пред неколку години најави дека ќе се снима документарен филм за него, а сега е потврдено дека конечно ќе го видиме на 20 август на платформата „Амазон“. На него работеше Џејсон Хејер, кого го знаеме од фантастичната документарна серија за Мајкл Џордан („Последниот танц“), а веќе првите кадри ни кажуваат дека нè очекува спектакуларно „возење“ низ кариерата на најголемиот на сите времиња.
Во првиот трејлер објавен за филмот „Новак Ѓоковиќ: Волкот во зима“, ги гледаме Андре Агаси, Рафаел Надал, Јелена Ѓоковиќ и многу други како зборуваат за него. Погледнете го првиот кадар од трејлерот за најочекуваниот документарец на годината:
“I’m trying to prove myself wrong more than anybody else.”
Novak Djokovic: The Wolf in Winter is streaming August 20. pic.twitter.com/7n24EVv7Ao
— Prime Video (@PrimeVideo) July 14, 2026
Слушнавме од Агаси дека Новак Ѓоковиќ е најголемиот тенисер на сите времиња, од Рафа дека било „многу комплицирано“ да се игра против Нолет, додека се чини дека во центарот на сè е приказната за отпишаниот играч – на кого малкумина му дадоа шанса да биде вклучен во борбата меѓу Федерер и Надал.
Ѓоковиќ зборуваше и за тоа како потекнува од семејство кое морало да се откаже од многу работи за да му обезбеди пристојни услови за да продолжи да се занимава со спорт, додека самиот призна дека никој не се сомнева во него толку колку што се сомневам јас.
„Кој најмногу се сомнева во мене? Гледајте го него“, Новак Ѓоковиќ покажа со прст кон себе:
„Се обидувам да се негирам, повеќе од кој било друг. Луѓето мислат дека сте направиле толку многу и треба да уживате во тоа, но јас не можам да уживам во тоа. Мора да го трансформирате секој дел од вашиот живот надвор од тенисот – за да бидете во служба на тенисот. Тоа има последици“, нагласи Ѓоковиќ на крајот од трејлерот во кој „завиваше“ како волк.
Филмот беше најавен како документарец „достапен за сите“ за освојувачот на 24 гренд слем трофеи, најголемиот тенисер на сите времиња. Премиерата е на 20 август на Prime Video, а продукцијата е потпишана од Words + Pictures (Конор Шел) и Sadoux Productions. Она што е важно за публиката е дека ова не е класична „биографија со архива“, туку проект што влегува во светот на Ѓоковиќ одвнатре, преку турнири, тренинзи и секојдневие, со идеја да покаже како изгледа животот кога си на врвот со години, а очекувањата не се намалуваат.
За него зборуваа и Пит Сампрас, Борис Бекер, Џим Куриер, но очигледно не и Роџер Федерер.
