Актуелниот македонски првак, МЗТ Скопје ќе мора многу да вложи во својот ростер со оглед на тоа дека направи чекор напред и конечно излезе во европски рамки, нешто што требаше и одамна да се практикува. Тимот од Аеродром покрај АБА2-лига, ќе настапува и во ФИБА Евро-Купот.
Во меѓувреме дојде информацијата дека младиот македонски репрезентативец, Марин Петков заминува во НЦАА-лигата, што пак остава празнина на плејмејкерската позиција.
Според нашите информации, раководството на МЗТ Скопје е во преговори со Никола Василевски. Уште еден млад кошаркар, кој минатата сезона настапуваше во Кожув.
Плејмејкерот кој е роден 2003 година играше за КК Промо, од Босна, го носеше дресот на ТФТ, а претходно беше дел од МЗТ Скопје Уни Банка и Академија ФМП.
