Младиот македонски кајакар Кристијан Смилев имаше одличен настап на Европскиот јуниорски куп во Чешке Буѓевице кој се одржа вчера. Во рамките на 14. рунда од натпреварувањето, нашиот најдобар јуниор убедливо го освои првото место, оставајќи го зад себе второпласираниот кајакар со заостанување од дури 5,64 секунди.
Смилев сега продолжува на нови две трки од 15. и 16. рунда на Европскиот јуниорски куп во Руднице над Лабем, кои треба да бидат најважниот дел и од подготовките за настапот на претстојното Европско првенство во Франција, кое ќе се одржи од 5 до 9 август.
