За нешто помалку од еден час на Арената Тодор Проески во Скопје, актуелниот шампион Вардар во рамките од второто коло од квалификациите за Лигата на Конференции, ќе се сретне со Рига, претставникот од Летонија.
Тренерот Кристијан Фабијани за овој меч се одлучи за следните единаесет.
На голот секако е Талески, а во последната линија се Јанкулов, Најдовски, Матиќ и Маневски.
Средниот ред го сочинуваат, Николов кој беше под знак прашалник но сепак е тука, Бабунски, Кастањеда, Мигел Пиреш и Гарсон Родригес, а во нападот очекувано е капитенот Азер Омерагиќ.
