Уште еднаш, Џамал Мусијала ги загрижи сите фудбалски фанови, кога повторно се струполи на тревата за време на натпреваро. Три дена по падот против РБ Лајпциг, тој повторно колабираше, овој пат на пријателски натпревар против Хајденхајм. Едвај беше на теренот пет минути, пред повторно да падне на теренот, што многумина ги загрижи и праша – што се случува со 23-годишниот фудбалер?
Jamal Musiala has collapsed again today in the Bayern game coming in just 6minutes ago. My prayers to the kid. https://t.co/J1t9oJWwUG pic.twitter.com/YKHDm4aWwf
— xx_RhoNic (@de_rhonic) August 18, 2026
Нешто не беше во ред, на сите им беше јасно. Само прашање е што. За да ги отстрани сите дилеми, фудбалерот на Баерн Минхен излезе да објасни за што станува збор и зошто ова повторно му се случува. На социјалните мрежи се огласи Џамал Мусијала.
„Прво на сите – добро сум! Исклучително сум благодарен за сите ваши пораки и поддршка! Разбирам дека многумина од вас се загрижени. Денес сакам да ве уверам и да објаснам малку повеќе за што се работи. Дијагностицирани ми се кратки, привремени епизоди на „отсуство“, кои лесно се лекуваат и се резултат на невролошка дисфункција. Тие можат да доведат до моменти што се случија неодамна, како оној против Лајпциг и сега во Хајденхајм. Знам дека на почетокот глетката може да изгледа застрашувачки, но тоа не е ништо опасно, сè е само дел од секојдневниот живот за мене. Во овој поглед, добивам најдобра можна медицинска нега и сум многу оптимист. Баерн Минхен и луѓето најблиски до мене се секогаш со мене и ме поддржуваат на ова патување“, започна Германецот.
„Важно е што, освен ова, нема дополнителен здравствен ризик. По тесни консултации и редовна комуникација со специјалисти, моја лична желба беше да се соочам со овој предизвик и, со одобрение од невролошки експерти, да продолжам да го правам она што најмногу ми помага во моето закрепнување, едноставно да го живеам мојот секојдневен живот и да продолжам да ја правам мојата страст – играњето фудбал. Јас ја презедов одговорноста за таа одлука. Сè на сè, се чувствувам многу добро и сум на вистинскиот пат. Она што ми е најкорисно на патот е да продолжам да бркам победи и трофеи со мојот тим, со вашата неверојатна поддршка“.
Конечно, тој само бара разбирање и поддршка.
„Се надевам дека сето ова ви помага подобро да ме разберете. Во исто време, ве молам за ваше разбирање бидејќи би сакал ова прашање да остане во кругот на оние што ми се најблиски, клубот и експертите. Ви благодарам многу. Ваш, Џамал“, заклучи тој.
