Кими Антонели продолжува да владее во Формула 1. Младиот Италијанец триумфираше во Мадрид, на Големата награда на Шпанија. Победи откако ги искористи двете големи грешки на Мекларен, Ландо Норис имаше чист пат до победа од пол-позицијата, но Мекларен не можеше да се справи во моментот кога се активираше виртуелното безбедносно возило. Антонели се одлучи за тврди гуми со кои возеше до крајот, Норис не! Влезе во боксот дури во следниот круг, а потоа механичарите имаа проблеми со замената на предната десна гума.
Тоа го чинеше Норис победа и тој мораше да се задоволи со третото место, зад Антонели и Макс Верстапен, а пред Шарл Леклер. Бодови освоија и Расел, Лосон, Колапинто, Пјастри, Линдблад и Хулкенберг. Антонели сега има 292 бода, Расел е втор со 211! Следната трка од шампионатот во Формула 1 ќе се одржи на 26 септември во Азербејџан. Баку е првото од три поврзани гран при трки, бидејќи Гран прито на Бахреин, кое се одржува на патеката Сепанг во Малезија поради војната на Блискиот Исток, и Гран прито на Сингапур, закажано за 11 октомври, нè очекуваат од недела во недела.
