Што навистина се случува? Еден од најамбициозните проекти на Саудиска Арабија би можел да биде откажан пред да ја види светлината на денот. Станува збор за спектакуларен стадион кој требаше да стане еден од симболите на Светското првенство во 2034 година.
Проектот, вреден дури 2,5 милијарди евра, предвидуваше изградба на стадион на неверојатна височина од 350 метри над земјата.
Стадионот NEOM, со капацитет од 46.000 гледачи, беше замислен како еден од најимпресивните спортски објекти во светот и требаше да биде составен дел од футуристичкиот град The Line, кој се гради како дел од огромниот проект NEOM.
Планот беше стадионот, со својот изглед и локација, да претставува сосема нова генерација спортски објекти.
Неговата позиција високо над земјата требаше да понуди сцени што никогаш порано не биле видени на светските стадиони. Сепак, амбициозниот план сега е во сериозна опасност. Изградбата на проектот е придружена со значителни одложувања, а се појавија и информации за намалување на средствата наменети за проекти поврзани со NEOM.
Токму затоа има сè повеќе сомнежи дека стадионот ќе биде изграден во првично планираната форма. Стадионот NEOM требаше да игра една од најважните улоги за време на Светското првенство во 2034 година, чиј домаќин ќе биде Саудиска Арабија.
Неговиот дизајн треба дополнително да ја нагласи визијата на земјата да ја промени својата инфраструктура преку огромни инвестиции и да стане глобална дестинација за спорт и туризам.
Сепак, ако Саудиска Арабија навистина се откаже од овој проект, тоа би претставувало голем удар за првичните планови поврзани со „Лајнот“ и целиот проект NEOM. Засега нема конечна потврда дека изградбата на стадионот е дефинитивно откажаа, но зголемените одложувања и намалените инвестиции го доведоа проектот во многу неизвесна ситуација.
