Денеска на полноќ стапува на сила предизборниот молк во пресрет на неделните избори во Србија. Во изминатите денови многу познати спортски фаци ја дадоа поддршката за „Студентската листа“ и за студентите а еден од нив е и актуелниот тренер на Вардар, Миодраг Гроф Божовиќ. Иако е Црногоец, сепак неговиот збор и тоа како се слуша во Србија, а да потсетиме дека е и некогашен тренер на Ц.Звезда со која освојуваше титули.
Гроф во изминатите две години во неколку пати нескриено ги поддржуваше студентите и со тоа не го криеше својот анимозитет кон Александар Вучиќ.
Па така вчера, Гроф на социјалните мрежи сподели фото каде што е заедно со Славољуб Муслин, кој исто така е за студентите, со познатиот хит “Три пољупца хочу ја“, која стана химна на “Студентската листа“ во оваа предизборна кампања.
Паметен човек, очигледно Гроф знае што се човечки вредности.
