Голманот на Тиквеш, Марко Алчевски, успешно ја помина операцијата на предниот вкрстен лигамент, соопшти кавадаречкиот клуб.
Оперативниот зафат беше извршен во болницата „Аџибадем Систина“, од страна на д-р Михајло Ивановски. По успешната интервенција, на Алчевски му претстои период на закрепнување и рехабилитација.
Од Тиквеш му посакаа брзо и успешно закрепнување, изразувајќи надеж дека голманот повторно ќе застане меѓу стативите, посилен од кога било.
