Новак Ѓоковиќ не успеа да стигне до четвртфиналето на АТП-турнирот во Базел, откако неочекувано загуби од германскиот тенисер Јан-Ленард Штруф со 2:1 во сетови. Германецот, кој се наоѓа на 47. место на светската ранг-листа, го елиминираше 12-пласираниот Ѓоковиќ по два часа и 37 минути игра.
Српскиот тенисер подобро го започна мечот и го освои првиот сет по тај-брејк со 7:6. Сепак, Штруф не се предаде, ја подигна својата игра и со 7:5 во вториот сет израмни на 1:1.
Одлуката падна во третиот сет, во кој повторно се играше тај-брејк. Овојпат Германецот беше посигурен и го доби решавачкиот дел од мечот, со што приреди големо изненадување и се пласираше во четвртфиналето.
За српскиот ас ова е ново разочарување по раната елиминација на Мастерсот во Шангај, каде што во првото коло загуби од Хуберт Хуркач.
