Галатасарај славеше со 2:0 против Штутгарт во првиот од двата натпревари од четвртото коло во Лигата на шампионите. Турскиот тим одлично го започна дуелот и веќе по 15 минути имаше два гола предност.
Двоен стрелец беше Алексеј Батраков, кој погоди во 12. и 15. минута. Првиот гол го постигна по одбиена топка во казнениот простор, а само три минути подоцна повторно ја затресе мрежата, овојпат по асистенција на Давинсон Санчез.
Штутгарт имаше голема можност да намали во 75. минута, но голот на Фурих беше поништен поради офсајд. Турците ја остварија втората победа сезонава и полека напредуваат на табелата.
Фудбалерите на Спортинг Лисабон ја продолжија успешната серија против Шахтjoр Доњецк, совладувајќи го украинскиот тим со 1:0. Ова е трет последователен минимален пораз на Шахтјор од португалскиот состав.
Одлучувачкиот момент се случи во 59. минута, кога Иса Думбија ја затресе мрежата на украинскиот тим. Спортинг ја искористи грешката во одбраната, а потоа успеа да ја зачува минималната предност до последниот судиски свиреж. За Португалците ова е трета победа сезонава, која дојде во одличен момент по оној неочекуван „кикс“ во минатото коло и домашниот пораз од ЛАСК.
