Македонската фудбалска репрезетација на чело со селекторот Благоја Милевски во моментов го одработува денешниот тренинг пред квалификациските мечеви против Лихтентајн на 8. на гости односно против Германија на 11. октомври во Скопје.
Нашиот состав во моментов е комплетен, барем што се однесува до оние играчи кои му се на располагање на селекторот Милевски во моментов.
Тхомир Костадинов тренира со полн интензитет, иако го пропушти последниот меч за Ружомберок поради ситна повреда. Дефинитивно ќе биде подготвен за Германија, затоа што против Лихтенштајн ќе ги „одлежува“ жолтите картони.
„Лавот“ Адеми тренира со останатите
Добра вест за нас е и поволната ситуација со Аријан Адеми. Играчот на Динамо почувствувал ситна настинка во текот на изминатата ноќ но по прегледите е констатирано дека се е во ред со него.
