Во немоќ да донесат некоја голема фудбалска ѕвезда во тимот, Барселона ќе мора да најде алтернативни имиња како нови засилувања во зимскиот преоден рок и да се обиде да ја спаси сезоната која почна ужасно.
Според медиумите блиски до екипата на Ливерпул, Каталонците деновиве се обидуваат да стапат во контакт со менаџерот на блегискиот голгетер Дивок Ориги за да разговараат околу неговата подготвеност во јануари да си замине од „Енфилд“. Според информациите, Барселона ќе има околу 20 милиони фунти на располагање за купување на нов напаѓач, а во моментов за Куман и Лапорта веројатно Ориги е добар избор.
Со оглед на односите кои овие два клуба ги имаат во однос на трансферите во изминатиот период, не би било воопшто чудно Ливерпул да му дозволи на Ориги да се пресели на „Камп Ноу“.
