Новото раководство на англиски Њукасл Јунајтед одлучи во следните неколку дена предвремено да го раскине договорот со актуелниот тренер на тимот Стив Брус. Веста ја објавија неколку британски медиуми.
Според информациите, новите сопственици сакаат Брус да си замине пред натпреварот од 8. коло во англиската Премиер лига со Тотенхем, кој ќе се одигра на 17 октомври. Англискиот стретег ќе добие 9,4 милиони евра како отштета, а асистентот на Брус, Греам Џонс, ќе биде вршител на должноста главен тренер на Њукасл за натпреварот против Тотенхем.
Како можни наследници на Брус се споменуваат Лусиен Фавре, кој во моментов е без работа, тренерот на Лестер Сити, Брендан Роџерс, како и предводникот на Ренџерс, Стивен Џерард.
