Анчелоти: Реал никогаш повеќе нема да игра 4-4-2
Тренерот на Реал Мадрид Карло Анчелоти нагласи дека неговиот тим до крајот на сезоната ќе игра во формација 4-3-3. Италијанецот проба да импровизира во формација 4-4-2 на мечот со Еспањол и тоа скапо го чинеше. Тимот од Барселона славеше со 2:1.
„Пробавме да играме 4-4-2 како против Еспањол, но очајно се браневме и работите не одеа како што сакавме. Идејата е јасна – овој тим мора да игра 4-3-3. Тоа е идеален систем за состав кој го имаме на располагање“, рече Анчелоти во пресрет на мечот со Шахтјор во ЛШ (вторник, 21:00 ч.)
Италијанскиот стручњак одговори и на прашањето за повредата на Еден Азар.
„Азар е уморен од повреди и проблеми, но наскоро се враќа. Ќе видима дали ќе биде спремен за мечот со Барселона или Осасуна“, посочи Анчелоти.