На мечот со Верона (1:1), Наполи за прв пат играше со нови дресови во чест на клупската легенда Диего Марадона. Неаполитанците ќе ги носат тие дресови на уште два меча од Серија А во ноември – против Интер (21 ноември) и Лацио (28 ноември).
Дресот беше пуштен во продажба не само во клупската продавница туку и онлајн. Само за неколку часови биле испразнети полиците во продавницата и ги купија сите, вкучувајќи ги и белата и светлосината варијанта со кои Наполи се уште не играл. Тифозите не ги спречи ни фактот што цената на еден дрес е 150 евра што е втор најскап дрес на фудбалски тим во историјата. На првото место е дрес на Јувентус кој се продал за 180 евра.
Инаку на новите дресови на Наполи го има ликот на Марадона и неговиот отпечаток од палецот. Истиот е произведен од модната куќа на Џорџо Армани.
Диего Марадона ќе наполнеше 61 година на 30 октомври. На 25 ноември се навршува една година од неговата смрт.
