Еден Азар во 2019 година дојде во Реал Мадрид од Челзи како големо засилување.
Сепак не ги исполни очекувањата, спред шпанските медиуми по две и пол години, мадридскиот тим сака да ја раскине соработката со него. Азар повеќе беше повреден отколку здрав. Одигра 54 натпревари на кои постигна пет гола и девет асистенции.
„Марка“ пишува дека би можел да заигра во втората белгиска лига, во тимот на Вестерло. Станува збор за клуб кој е лидер на табелата и за кого настапува новопечениот македонски репрезентативец, Ердон Даци.
Азар својата кариера ја започна во Тубизе, Белгија, од каде во 2005 година замина во Лил. Таму остана до 2012 година кога му се приклучи на Челзи.
Тој е апсолутна легенда на „сините“, за кои одигра 352 натпревари, постигнувајќи 110 гола и 92 асистенции. Со овој тим двапати ја освои титулата во Англија, двапати Европската лига и еднаш Лига купот и ФА Купот.
