Никола Карабатиќ во октомври 2002 година ја започна својата авантура во дресот на националниот тим на Франција. 20 години подоцна, искусниот ракометар ќе ја предводи својата земја на дуелот за бронзен медал на ЕП против Данска.
„Неверојатно патување. За тоа зборував пред некој ден со мојата сопруга, и да, 20 години се многу. Навистина сум горд на тоа. Горд сум што играм на ова ЕУРО во 2022, како што бев кога го играв на првото натпреварување во 2002 година“, вели Карабатиќ.
Тој е играчот со најмногу настапи на едно Европско првенство, против Шведска го одигра 70. натпревар, зад него е Раул Ентрериос со 20 меча помалку.
„Никогаш не ми се важни рекордите. Се обидувам да освојам што повеќе титули, да ми помогнам на мојот тим, се надевам дека денеска ќе одиграме уште еден добар меч и ќе освоиме медал“, коментира Французинот.
Карабатиќ ќе влезе во легендите дефинитивно, тој е на девет гола зад рекордот на Гудјон Валур Сигурдсон, кој е прв на вечната листа на стрелци. Карабатиќ има 279 погодоци пред дуелот со Данска за третото место, кој е закажан со почеток во 15:30 часот.
