Холандска доминација на трката на 1.500 метри во брзо лизгање на ЗОИ во Пекинг. Легендарната Ирене Вурст не само што победи и што постави нов олимписки рекорд туку го освои и шестиот златен олимписки медал во својата кариера во три различни дисциплини, со што влезе во историјата.
Вурст триумфираше со резултат 1:53,28 минути.
Да потсетиме дека Холанѓанката и на последната олимпијада ја освои титулата.
Второто место и припадна на Јапонката Мијо Такаги, додека трета беше исто претставничката од Холандија Антоанета де Јонг.
