Доделените ваучери од страна на Агенцијата за млади и спорт не минаа без скандали и чудни одлуки, што пак го наметнува прашањето дали оваа државна институција е доволно кадарна. Од едни се зема, на други им се дава, ама сето тоа се чини е „каубојски“, засега не сме виделе дека некој положил сметка на АМС, ниту пак некој убаво детално разгледал како ваучерите се доделуваат и дали бодувањата се коректни.
Денеска Бадел 1862, клуб со голема традиција во женската кошарка го дигна својот глас, побара од Агенцијата за млади и спорт да направи ревизија, а потоа побара во целиот случај да се вмеша и Јавното обвинителство. Од таборот на македонскиот вицепрвак сметаат дека Комисијата заразгледување на апликациите за ваучери при КФСМ има сторено многу нерегуларности.
СПОРТМЕДИА во целост ви го пренесува сопштението.
Бадел 1862 доби ваучер од 2.850.000 денари, додека Баскет Кам доби 2.550.000.
