Вечерва се одиграа два натпревари од осминафиналето на Лигата на шампионите. На „Стемфорд Бриџ“ европскиот првак Челзи ја оправда фаворитската улога и со 2:0 славеше над Лил. Головите за „сините“ ги постигнаа Каи Хаверц во 8. минута и Кристијан Пулишиќ во 63. минута. Со тоа „сините“ обезбедија солидна предност пред реваншот во Франција на 16 март.
А на „Де ла Керамика“ Виљареал и Јувентус одиграа 1:1. „Старата дама“ поведе со голот на Душан Влаховиќ уште во 32. секунда. Тоа е дебитантски настап и прв гол во ЛШ за српскиот голгетер.
Но Јуве не ја задржа предноста. Во 66. минута Дани Парехо го изедначи резултатот. Toa e негов втор гол во ЛШ во кариерата, а прв во нокаут фазата. Реваншот се игра во Торино на 16 март.
