Кошаркарите на Феникс се првата екипа која обезбеди пласман во плеј-офот со победата од 111:90 против Мајами. Девин Букер се врати по пауза од четири натпревари поради болест и беше најефикасен во победничкиот тим со 23 поени, девет асистенции и осум скока. Мајкл Бриџис додаде 21 поен и девет скока, а Деандре Итон 19 поени и 10 скока.
Феникс е најдобриот тим во лигата со 53 победи и 13 порази и е првиот учесник во овогодинешниот плеј-оф. Санс ги победија сите 29 противнички тимови оваа сезона, за првпат од сезоната 2006/2007.
Кошаркарите на Денвер стигнаа до четвртата последователна победа во НБА лигата совладувајќи го Сакраменто со 106:100. Денвер и овој пат беше предводен од српскиот центар Никола Јокиќ кој средбата ја финишираше со 38 поени, 18 скока и седум асистенции, а Монте Морис постигна 20 поени, вклучувајќи и решавачка тројка во завршницата.
Денвер во еден момент имаше и 18 поени предност, но Сакраменто успеа да поведе со 96:95 со тројка на Барнс, за потоа Јокиќ и Морис да постигнат последователни две тројки и да ја заверат победата.
Кошаркарите на Милвоки ја совладаа Атланта со 124:115 и го остварија шестиот последователен триумф, Минесота ја совладаа Оклахома со 132:102 и ја постигнаа шестата последователна победа, додека Њујорк го потопи Далас и тоа на гости совладувајќи го со 107:77.
НБА РЕЗУЛТАТИ:
Шарлот – Бостон 101-115
Детроит – Чикаго 108-114
Мајами – Феникс 90-111
Хјустон ЛА Лејкерс 139-130
Милвоки – Атланта 124-115
Минесота – Оклахома 132-102
Њу Орлеанс – Орландо 102-108
Далас – Њујорк 77-107
Сан Антонио – Торонто 104-119
Сакраменто – Денвер 100-106
Јута – Портланд 123-85
ЛА Клиперс – Вашингтон 115-109
