Кошаркарите на Феникс го совладаа Лос Анџелес Лејкерс со 140:111 во ноќешното дерби во НБА лигата и им го нанесоа 10-от последователен пораз на гости. Девин Букер ги предводеше Санс со 30 поени и 10 асистенции. Во победата учествуваше Деандре Ејтон со 23 поени и 16 скока, а Мајкл Бриџис постигна 18 поени.
Леброн Џејмс со 31 поен, седум скока и шест асистенции ги предводеше гостите. Тој стана единствениот играч во НБА лигата кој постигнал најмалку 30.000 поени, 10.000 скока и 10.000 асистенции во својата НБА кариера. Џејмс стигна до 10.000 асистенции во текот на втората четвртина.
Кошаркарите на Филаделфија победија по продолжението во дуелот со Орландо со 116:114. Џоел Ембид беше најефикасен во победничкиот тим со 35 поени со 16 скока и седум асистенции.
Кошаркарите на Атланта синоќа ја совладаа Индијана со 131:128 и ја постигнаа 13-та победа во последните 15 натпревари во НБА лигата. Уште едно блескаво издание имаше Треј Јанг со 47 поени, од кои 33 ги постигна во првото полувреме. Деандре Хантер и Данило Галинари постигнаа по 15 поени.
НБА РЕЗУЛТАТИ:
Орландо – Филаделфија 114:116 (п)
Атланта – Индијана 131:128
Њу Орлеанс – Хјустон 130:105
Оклахома – Мемфис 118:125
Феникс – ЛA Лејкерс 140:111
Детроит – ЛА Клиперс 102:106
Бостон – Далас 92:95
