Манчестер Јунајтед може да остане без Бруно Фернандеш за реванш натпреварот од Лигата на шампионите против Атлетико Мадрид. Според информациите од Англија кои ги потврди и менаџерот на Манчестер Јунајтед, Ралф Рангник, Португалецот има позитивен ковид-тест.
Бруно има девет гола и 14 асистенции од почетокот на сезоната, а не настапи и на натпреварот против Тотенхем. Лук Шо и Скот Мектоминај го пропуштија мечот во саботата, но се во план за настап против Атлетико.
„Се надевам дека Скоти ќе биде подобар. Имаше болки во потколеницата и затоа го оставив да одмори. Скоти е вреден играч за нас, но само кога е 100 отсто подготвен за игра”, изјави Рангник.
„Лук треба да продолжи со тренинзите во понеделник, а ќе го чекаме Бруно до последен момент. Тој има позитивен тест за Ковид-19 и мора да бидеме внимателни“.
Првиот меч меѓу Манчестер Ј. и Атлетико заврши со 1-1.
