Македонскиот репрезентативец Бобан Николов со екипата на Шериф ја освоија шампионската титула во Молдавија. Всушност тимот од Тираспол го одбрани трофејот во локалниот шампионат и стигна до севкупно 20-тата титула првак на Молдавија.
Тоа стана јасно по денешната победа над Динамо Авто во 26. коло во првенството. Па така Шериф има недостижни 66 бода, дури 11 повеќе од вториот Петрокуб.
Инаку ова е прва титула на Николов со Шериф, со Вардар има две титули во Македонија и една шампионска титула и Куп со унгарски Фехервар.
Николов може да оди на двојна круна затоа што Шериф игра и финале на Купот (21 мај) против Сент Џорџ.
