Македонската одбојкарска репрезентација ќе има две официјални проверки пред почетокот на настапите на Европската сребрена лига 2022. Она што го најавивме минатата недела, денеска е потврдено.
Нашиот национален одбојкарски тим под раководство на новиот селектор Ратко Павличевиќ на 18 и 19 мај во Маврово ќе одигра две пријателски средби со соодветната репрезентација на Албанија.
„Албанците потврдија. На 17 мај доаѓаат во Маврово, а на 18 и 19 мај ќе одиграме две пријателски средби со нив. Тоа ќе биде добра можност за новиот селектор да направи првична контрола на формата пред мечот со БиХ“, ни потврди генералниот секретар на ОФМ, Зоран Карановиќ.
Македонија од 4 мај е на подготовки во Маврово каде се подготвува тактиката за премиерните дуели во првата фаза од натпреварувањето кои почнуваат на 25 мај со мечот во Скопје против Босна и Херцеговина.
