Полека, но сигурно се загрева атмосферата во пресрет на утрешниот дуел во Разград меѓу Македонија и Бугарија. Тоа е меч од Лигата на Нации.
Секако дека со оглед на целокупната ситуација на релација меѓу Македонија и Бугарија, овој меч е интересен и од друг агол.
А дека се преземаат информациите од “другиот“ табор, доказ се насловните во бугарските весници. Во денешниот број на „Телеграф Мач“, главно е тоа дека нашата експедиција во Разград престојува со свој готвач и со храна понесена од Скопје, она што вчера „Спортмедиа“ ексклузивно го објави. И тоа поради страв од провокации.
Се пренесува и нашиот текст дека нивната фудбалска федерација го одбрала Разград а не Софија за овој меч, само поради тоа што се плашат од нашите фанови кои би дошле секако во голем број во главниот град на Бугарија.
Секако дека во преден план е и Елиф Елмас, за него Бугарите велат дека според Трансфермаркт цела нивна репрезентација вреди колку Дијамантот.
